Святой страстотерпец царь Николай принимает у священномученика Серафима (Чичагова) Летопись Серафимо-Дивеевского монастыря

Празднование: 4/ 17 июля

ВЕЛИЧАНИЕ

Величаем вас,/ святии царственнии страстотерпцы,/ и чтим честная страдания ваша,/ яже за Христа / претерпели есте.

ИСТОРИЯ ОБРАЗА

Икона написана летом 2003 года к 100-летию всецерковного прославления преподобного Серафима Саровского. Она изображает поворотный момент в истории его канонизации. Государь-страстотерпец, как известно, ознакомившись с Летописью, выразил Святейшему Синоду свое мнение о несомненной святости преподобного и желательности причисления его к лику святых, после чего Св. Синод создал комиссию и принял постановление о прославлении по вере царя и народа вопреки ранее существовавшим сомнениям отдельных его членов.

На иконе святой страстотерпец царь Николай изображен в центре в полный рост и на первом плане, что выражает первейшее его значение в этом событии и во всей нашей сегодняшней жизни. С ним объединены и к нему обращены святая страстотерпица императрица Александра и святые страстотерпицы царевны Ольга, Татиана, Мария и Анастасия. Святой страстотерпец отрок-наследник Алексий в семейной группе ближе всех к государю и государыне. Лик его обращен прямо к нам, в будущее.

В левой части иконы священномученик митрополит Серафим с поклоном, в быстром и лёгком движении вручает царю свой обстоятельный и значительный труд. Преподобный Серафим зримо присутствует и благословляет.

Событие совершается в царских палатах. За ними - вся Россия: главный ее кафедральный Успенский собор Московского Кремля, где по традиции совершалось таинство миропомазания на царство; монастырская твердыня, которая неусыпно предстоит Богу в молитвах за Россию и весь православный мир, - Дивеево; Святая Канавка, которая оградит от антихриста; а также поля, крутояры, леса и перелески.

Икона написана для церкви святого пророка Божия Илии Обыденной в Москве по замыслу почивших протоиерея Александра Егорова и матушки игумении Московского Новодевичьего монастыря Серафимы (Чёрной-Чичаговой, внучки священномученика Серафима), которая до монашеского пострига трудилась в Обыденском храме.

Замысел этот воплощен молодым иконописцем Ириной Кокуриной, по благословению настоятеля Свято-Ильинского Обыденского храма протоиерея Алексия Лапина и её духовного отца, протоиерея Валентина Асмуса.
Словесно замысел донес до нас отец Константин Кобелев, долгое время диаконом служивший с отцом Александром. Батюшки тщательно рассмотрели карандашный эскиз иконы, который сразу всем понравился и потому не претерпел существенных изменений. Подсказали, где и как изобразить преподобного Серафима, как сделать фон, чтобы вся Россия присутствовала на иконе. Ирина - иконописец Палехской школы, это ее первая композиционно самостоятельная работа. Икона небольшого размера написана на кипарисовой доске с ковчегом 22х29 см. Все изображение прописано так тонко, что выдерживает увеличение в 3 и 5 раз при компьютерном просмотре.

Почему икона написана для Обыденской церкви св. пророка Илии? В этом храме давно установилось глубокое почитание преподобного Серафима. По понедельникам вечером здесь совершается акафист преподобному с молением и священномученику митрополиту Серафиму. В прежние годы (почти 48 лет) акафист пел и читал батюшка Александр Егоров.

Отец Александр и матушка Серафима глубоко чтили память царя Николая, до прославление которого им не удалось дожить. Митрополит Серафим представлен в храме двумя написанными им иконами: преподобного Серафима на камне и Спасителя в белом хитоне. Есть в храме и одно из первых иконописных изображений митрополита-священномученика Серафима, пожертвованное его внучкой.

Сергей Николаевич Чернышев,
профессор, доктор минералогических наук,
автор проекта восстановления Святой Богородичной Канавки в Дивееве

ТРОПАРЬ, глас 4-й

Днесь, благовернии людие, светло почтим / седмерицу честную царственных страстотерпец, / Христову едину домашнюю Церковь: / Николая и Александру, / Алексия, Ольгу, Татиану, Марию и Анастасию. / Тии бо, уз и страданий многоразличных не убоявшеся, / от богоборных смерть и поругание телес прияша / и дерзновение ко Господу в молитве улучиша. / Сего ради к ним с любовию возопиим: / о святии страстотерпцы, / гласу покаяния и стенанию народа нашего вонмите, / землю Российскую в любви к Православию утвердите, / от междоусобныя брани сохраните, / мир мирови у Бога испросите // и душам нашим велию милость.

МОЛИТВА

О святый страстотерпче царю мучениче Николае! Господь тя избра помазанника Своего, воеже милостивно и право судити людем твоим и хранителем Церкве Православныя быти. Сего ради со страхом Божиим царское служение и о душах попечение совершал еси. Господь же, испытуя тя, яко Иова Многострадальнаго, попусти ти поношения, скорби горькия, измену, предательство, ближних отчуждение и в душевных муках земнаго царства оставление. Вся сия ради блага России, яко верный сын ея, претерпев, и, яко истинный раб Христов, мученическую кончину прием, Небеснаго Царства достигл еси, идеже наслаждаешися Вышния славы у Престола всех Царя, купно со святою супружницею твоею царицею Александрою и царственными чады Алексием, Ольгою, Татианою, Мариею и Анастасиею. Ныне, имея дерзновение велие у Христа Царя, моли, да простит Господь грех отступления народа нашего и подаст грехов прощение и на всякую добродетель наставит нас, да стяжим смирение, кротость и любовь и сподобимся Небеснаго Царствия, идеже купно с тобою и всеми святыми новомученики и исповедники Российскими прославим Отца и Сына и Святаго Духа, ныне и присно и во веки веков. Аминь.

АКАФИСТ СВЯТЫМ ЦАРСТВЕННЫМ СТРАСТОТЕРПЦАМ

Кондак 1

Избраннии царственнии страстотерпцы,/ едина домашняя церковь Христова,/ Николае, Александро, Алексие,/ Ольго, Татиано, Марие и Анастасие,/ вы, союзом любве связуеми,/ яко агнцы, Христу Богу верою последовали есте/ и, в страданиих смерть претерпевше,/ Царствия Небеснаго наследницы явилися есте./ Ныне же, дерзновение ко Господу имуще,/ молитеся о земнем отечестве вашем, да прославляем вас сице: Радуйтеся, царственнии страстотерпцы,/ земли Российския хранителие и молитвенницы.

Икос 1

Ангельскими силами укрепляеми во истиннем пути, седмочисленнии страстотерпцы, о житии праведнем и богоугоднем ревновали есте, да явите народу русскому образ благочестивых царей. Сего ради прославляем вас сице: Радуйтеся, страх Божий в сердце, яко основание, положившии; Радуйтеся, премудрость Божию истинне возлюбившии. Радуйтеся, все упование на Бога возложившии; Радуйтеся, отечеству вашему верно послужившии. Радуйтеся, христианскаго благочестия твердое правило; Радуйтеся, царственнаго рода Российскаго похвало. Радуйтеся, Православныя веры крепкое исповедание; Радуйтеся, страждущаго народа нашего утешение. Радуйтеся, царственнии страстотерпцы, земли Российския хранителие и молитвенницы.

Кондак 2

Видя Господь покаяние народа нашего, егда смутная времена насташа, умилосердися и яви милость Свою во избрании Михаила царя, егоже иконою Пречистыя Богородицы, Феодоровская именуемою, чрез родительницу благослови, да будет икона сия покров и защищение ему и всему новоизбранному царскому роду и во утверждение державы Российския. Сего ради благодарне вопием Богу: Аллилуиа.

Икос 2

Разумеша людие Российстии, яко избранием на царство новаго рода благочестиваго, утиши Господь нестроения и смуты в Земли нашей, принесоша обет вернаго служения роду сему. Мы же, любви и ревности тех подражающе, к вам, царственнии страстотерпцы, яко наследником сего избрания со умилением вопием: Радуйтеся, венец и похвало рода царскаго и священнаго; Радуйтеся, корене благочестиваго преславныя отрасли. Радуйтеся, Патриарха Российскаго Филарета святое прозябение; Радуйтеся, попечению его о Церкви и отечестве подражавшии. Радуйтеся, великия старицы инокини Марфы благословенное наследие; Радуйтеся, покорность воли Божией от нея восприимшии.
Радуйтеся, пред иконою Божия Матере Феодоровския молитвы присно возносившии; Радуйтеся, все упование на помощь Богородицы с верою возлагавшии. Радуйтеся, царственнии страстотерпцы, земли Российския хранителие и молитвенницы.

Кондак 3

Сила Божия и промышление Всевышняго явися в рождении твоем, царственный страстотерпче Николае, великаго бо святителя имя восприем, заступник Российския Земли показался еси. Многия же скорби и болезни, подобне Иову праведному, в житии претерпев, ныне с лики страстотерпцев наслаждаешися райскаго блаженства, воспевая Богу: Аллилуиа.

Икос 3

Имея сугубыя заступники и покровители в рождении твоем Иова многострадальнаго и Николая чудотворца, державный страстотерпче, добродетелем тех последовал еси. Мы же, дивящеся промышлению Творца, во святых сих образ благочестия указавшаго ти, благоговейне воспеваем сице: Радуйся, в молитвах святителя Мир Ликийских присно призываяй; радуйся, помощию того Российскую Державу праведно окормляяй. Радуйся, образом кротости тому уподобивыйся; радуйся, милосердие многое, якоже оный, явивый. Радуйся, терпение Иовле в сердце твоем имевый. радуйся, верность Богу в житии твоем до конца сохранивый. Радуйся, в тяжких бедах, якоже оный, благодарение Богу приносивый; радуйся, вся находящая на тя со смирением приемый. Радуйтеся, царственнии страстотерпцы, земли Российския хранителие и молитвенницы.

Кондак 4

Бурю смущения, воздвизаемую от человек безбожных в стране нашей, видя, страстотерпче Николае, не смутился еси в сердце твоем и, все упование на Бога возложив, не возроптал еси, егда отвергоша тя люди твоя; обаче с верою воспел еси Богу: Аллилуиа.

Икос 4

Слыша о мятежех, болезнех и междоусобных бранех, нашедших на землю Русскую, во узах сый, страстотерпче царю Николае, моление о людех ея непрестанне приносил еси, милосердие Божие к ним призывая. Сего ради мы воспеваем тебе тако: Радуйся, от юности отечество и народ твой возлюбивый; радуйся, яко и во отвержении любовь сию сохранивый. Радуйся, помазание на царство с благоговением приемый; радуйся, образ благочестиваго царя миру явивый. Радуйся, царский венец со смирением на ся возложивый; радуйся, венца страданий от Господа удостоенный. Радуйся, царское служение, яко послушание Богу, разумевый; радуйся, поношения, яко крест, вземый и с терпением понесый. Радуйтеся, царственнии страстотерпцы, земли Российския хранителие и молитвенницы.

Кондак 5

Богосветлый светильник во мраце скорбей благоверней супружнице твоей явился еси, царственный страстотерпче Николае, указуя и возглавляя путь ея, якоже повеле Господь. Мы же, прославляюще ваш благословенный союз во Христе, хвалу Богу воздаем, поюще: Аллилуиа.

Икос 5

Видя царственный страстотерпец юницу Александру, яко голубицу чисту, избра ю себе в благоверную супружницу, православную царицу и матерь народа Российскаго. Мы же, ведуще усердное служение ея, воспеваем сице: Радуйся, именитаго рода благочестивое прозябение; радуйся, от лютерския веры к Православию образе спасительнаго прехождения. Радуйся, всем сердцем молитву возлюбившая; радуйся, о службе Божией сердечно ревновавшая. Радуйся, словом Божиим и писанием святых отец себе наздавшая; радуйся, уставы церковныя благоговейно соблюдавшая. Радуйся, русское благочестие достойне восприемшая; радуйся, истинныя жизни во Христе приобщившаяся.
Радуйтеся, царственнии страстотерпцы, земли Российския хранителие и молитвенницы.

Кондак 6

Проповедует житие ваше брака святаго чистоту, благовернии Николае и Александро. Вы бо, благодать сего великаго таинства достойно восприемше, даже до мученическия кончины верность Христу и любовь друг ко другу сохранили есте, присно воспевающе Богу: Аллилуиа.

Икос 6

Возсия в стране Российстей, яко прекрасная светила, благоверная царственная чета Николай и Александра, супрузи, союзом любве Христовы связуемии. Мы же, прославляюще образ их целомудреннаго и добронравнаго жития в мире сем, со благоговением воспеваем сице: Радуйтеся, всем сердцем Бога взыскавшии; Радуйтеся, в путех Господних непорочно ходившии. Радуйтеся, двоице честная, свыше избранная; Радуйтеся, двоице святая, славою и честию от Бога венчанная. Радуйтеся, целомудрие супружеское многочадием прославившии; Радуйтеся, чада ваша, яко новосаждения масличная, окрест трапезы Небесныя собравшии. Радуйтеся, супруги во благочестии и любви жити научающии; Радуйтеся, мир Христов оным милостивно низпосылающии. Радуйтеся, царственнии страстотерпцы, земли Российския хранителие и молитвенницы.

Кондак 7

Хотяще ваш дом благочестно устроити, любовь, яко основание, положили есте и брак честен добре соблюли есте, благовернии супрузи Николае и Александро. Темже, и дщери ваша, яко мудрыя евангельския девы, воспитавше, в невесты Христу уготовали есте. С нимиже ныне вкупе воспеваете Богу: Аллилуиа.

Икос 7

Новую милость дарова Господь народу русскому, целомудренныя дщери царственныя четы Ольгу, Татиану, Марию и Анастасию. Тыя бо, женам мироносицам подражающыя, елеем милосердия болящим и страждущим послужиша и, смерть за Христа приемшя, ныне Престолу Божию предстоят. Сего ради прославляем их сице: Радуйтеся, дщери царевы, обетований Божиих сподобльшыяся; Радуйтеся, заповедь Божию о почитании родителей соблюдшыя. Радуйтеся, достоинство царственное свято соблюдшыя; Радуйтеся, стихиями мира сего не порабощенныя. Радуйтеся, людем, сущым в бедах и скорбех, яко Христу, послужившыя; Радуйтеся, за врагов своих усердно молившыяся. Радуйтеся, агницы непорочныя, в жертву Богу себе принесшыя; Радуйтеся, невесты Христовы, в чертозех Жениха Небеснаго пребывающыя. Радуйтеся, царственнии страстотерпцы, земли Российския хранителие и молитвенницы.

Кондак 8

Странно и чудно бысть рождение твое, святый царевичу Алексие. Плод бо благославен молитв Саровскаго чудотворца и чаемый наследник царственных родителей быв, слава, надежда и упование явился еси всем концем Земли нашея. Сего ради людие российстии с радостию благодарственно воспеша Богу: Аллилуиа.

Икос 8

К вышним душею чистою устремляяся, святый царевичу Алексие, измлада болезнь, яко крест от Господа данный, безропотно понесл еси, последи же, яко агнец незлобивый, руками злочестивых убиен, молитвенник пред Богом явился еси. Сего ради воспеваем ти сице: Радуйся, отроча, от утробы матере Богом предъизбранное; радуйся, чадо, молитвами Саровскаго чудотворца России дарованное. Радуйся, страдальче, измлада скорби и недуги безропотно понесый; радуйся, царевичу, в болезнех сострадание к людем обретый. Радуйся, наследниче, лишение царства земнаго со смирением приемый; радуйся, страстотерпче, Царствия Небеснаго от Бога удостоенный. Радуйся, агнче незлобиве, от безбожных закланный; радуйся, царственный отроче, венцем нетленным от Царя царствующих увенчанный.
Радуйтеся, царственнии страстотерпцы, земли Российския хранителие и молитвенницы.

Кондак 9

Всяк ум человеческий смутися, егда в земли нашей беззаконие умножися, истина помрачися и мерзость запустения на месте святем ста. Ты же, царю Николае, изгнание, поругание и темничное заточение мужественне претерпев, сын верный Святыя Церкве и страстотерпец Христов явился еси. Сего ради Церковь Русская, прославляющи тя, Богу вопиет: Аллилуиа.

Икос 9

Ветии зломудреннии тщашася оболгати тя клеветою, помазанниче Божий Николае, ты же, евангельски вся терпя, о благочестии народа православнаго попечение сугубое прилагал еси. Сего ради, память твою светло празднующе, воспеваем ти сице: Радуйся, прославления угодников Божиих добрый рачителю; радуйся, пастыря Кронштадтскаго благоговейный почитателю. Радуйся, Саровских торжеств державный возглавителю; радуйся, иноческих обителей благочестивый покровителю. Радуйся, духовных вертоградов усердный попечителю; радуйся, православных храмов боголюбивый здателю. Радуйся, Святыя Земли и Афонския Горы щедрый благотворителю; радуйся, устроения Церкве Русския мудрый ревнителю. Радуйтеся, царственнии страстотерпцы, земли Российския хранителие и молитвенницы.

Кондак 10

Спасти хотя люди Российския от розни братоубийственныя, царю Николае, престол земный оставил еси, обаче, на милость Божию уповая, непоколебимь в вере и благочестии пребыл еси, воспевая: Аллилуиа.

Икос 10

Стена и ограждение бысть Господь тебе, царю Николае, Ему же тепле молился еси, да сохранит державу Российскую от нашествия иноплеменник и братоубийственныя брани, наипаче же люди православныя во благочестии да укрепит. Сего ради благодарне воспеваем ти сице: Радуйся, полков Российских мудрый предводителю; радуйся, ратных людей христолюбивый попечителю. Радуйся, отечества нашего державный хранителю; радуйся, словенских народов ревностный защитителю. Радуйся, мечи на орала перековати народы призвавый; радуйся, мир имети со всеми языки преискренне желавый. Радуйся, благоверным князем в благочестии подражавый; радуйся, образ царя православнаго во смирении миру явивый. Радуйтеся, царственнии страстотерпцы, земли Российския хранителие и молитвенницы.

Кондак 11

Пения всякаго достойна память ваша, святии царственнии страстотерпцы. Вы бо, образ исповедничества и ревности по Бозе верным людем показавше, заповедасте не мстити злодеющим, паче же прощати гонящим и молитву творити за них, поюще Богу: Аллилуиа.

Икос 11

Светоносный светильник седмочисленный вемы вас, святии царственнии страстотерпцы, царским бо путем шествующе, уготовасте себе за Христа пострадати. Темже, просветите омраченная сердца наша и евангельским путем шествовати научите нас, прославляющих вас сице: Радуйтеся, агнцы незлобивии, Агнцу Божию в кротости подражавшии; Радуйтеся, образ терпения в злостраданиих верным показавшии. Радуйтеся, во всем житии совесть чисту хранившии; Радуйтеся, убиение беззаконное смиренно восприемшии. Радуйтеся, седмочисленнии страстотерпцы, во едином дусе Богу представшии; Радуйтеся, кровию мученическою землю нашу обагрившии. Радуйтеся, лик благоверных царей и князей восполнившии; Радуйтеся, собор святых земли Российския украсившии. Радуйтеся, царственнии страстотерпцы, земли Российския хранителие и молитвенницы.
Кондак 12
Благодать изрядну Бог дарова Церкви Российстей, прославив вас на Небеси, царственнии страстотерпцы, хранителие и покровителие страны нашея. Сего ради и мы на земли почитаем вас, Богу вопиюще: Аллилуиа.

Икос 12

Воспевающе подвиги ваша, царственнии страстотерпцы, прославляем Триединаго Бога. Вы бо соизволением Отца Безначальнаго, совершением Сына Единороднаго и содействием Святаго Духа Божия причастницы Царствия Небеснаго соделастеся и заступницы отечества нашего явистеся. Сего ради дерзаем взывати вам сице: Радуйтеся, яко прославлению вашему Церковь радуется; Радуйтеся, яко чудесы вашими вера укрепляется. Радуйтеся, яко образы ваши мироточением прославляются; Радуйтеся, яко в честь вашу храмы созидаются. Радуйтеся, яко житием вашим люди благочестию научаются. Радуйтеся, яко терпением вашим во страданиих вернии назидаются; Радуйтеся, яко евангельския заветы исполняти нас наставляете; Радуйтеся, яко беды и скорби мужественне нести нам помогаете. Радуйтеся, царственнии страстотерпцы, земли Российския хранителие и молитвенницы.

Кондак 13

О, святии царственнии страстотерпцы! Приимите от нас похвальное сие пение и милостивым вашим ходатайством умолите Царя Славы мир стране нашей даровати, Церковь в Православии и единстве сохранити, нас же во благочестии утвердити, да вопием Богу: Аллилуиа.

(Этот кондак читается трижды, затем икос 1 и кондак 1.)