Преподобный Сергий Радонежский

Празднование: 5/ 18июля, 25 сентября/ 8 октября

ВЕЛИЧАНИЕ

Ублажаем тя, / преподобный отче наш Сергие, / и чтим святую память твою, / наставниче монахов / и собеседниче Ангелов.

ЖИТИЕ ПРЕПОДОБНОГО СЕРГИЯ

Преподобный Сергий родился в городе Ростове Великом в 1314 году от родителей благородных и благочестивых, Кирилла и Марии, и наречен был во святом крещении Варфоломеем. Еще от утробы матери Бог предзнаменовал будущую судьбу Своего избранника неким чудным явлением. В один нарочитый день мать его, во время чревоношения, находилась в храме Божием на Божественной литургии. Перед чтением Евангелия младенец вдруг вскрикнул у нее во чреве. Во время Херувимской песни снова вскрикнул младенец. А когда священник возгласил: “Святая святым”, то младенец вскрикнул в третий раз. По такому необычному явлению все слышавшие заключили, что этот младенец будет истинным служителем Святой Троицы и великим светильником миру.

И по рождении дитяти заметили в нем нечто необычное: когда мать вкушала тучную пищу, то младенец не принимал от нее молока и оставался без еды. То же самое проявлял в каждую среду и пяток. Все это служило знамением будущего поста и воздержания, которые станет соблюдать Варфоломей и во дни отрочества. Будучи воспитан родителями в добром наказании и страхе Божием, он был отдан в научение книжное, но вначале отрок не проявлял природных способностей к познанию преподаваемого ему учения, о чем немало скорбели его родители, равно и сам он. Но и при этом вышло нечто промыслительное и чудесное. В летнее время отрок Варфоломей, находясь вне родительского дома, увидел незнакомого ему старца-черноризца, стоящего под деревом и молящегося. Варфоломей стал вблизи его, ожидая конца молитвы. Когда же старец окончил молитву, отрок поклонился ему до земли, а старец спросил: “Что тебе надобно, чадо?” “Я учусь грамоте, — ответил Варфоломей, — и не понимаю оную; помолись за меня Богу, отче святый, дабы я мог постигать изучаемое”. Старец прочитал молитву, благословил отрока, дав ему при этом часть просфоры, и сказал: “Сие дается тебе в знамение благодати Божией к уразумению преподаваемого тебе учения”. С того времени отрок Варфоломей получил благодатный дар к научению книжному. После этого он стал прилежно изучать слово Божие, усердно прилепился к церковному богослужению. И такой навык вселил в сердце его страх Божий, потому-то отрок Варфоломей и превосходил своих сверстников разумением книжного учения и благонравием своего жития.

Еще во дни отрочества Варфоломея родители его переселились из города Ростова в Радонеж, где отрок закончил учение и стал помогать им в домашних делах. Когда он достиг юношеского возраста, то усердно начал служить отцу и матери, покоя их старческую немощь. По смерти же родителей часть своего наследства он передал младшему брату Петру, что-то раздал нищим и бедным, сам же избрал себе уединенное житие во глубине радонежских лесов, где и скрылся от мира, дабы в безмолвии работать Господу ради спасения души своей. К нему присоединился и старший брат его, Стефан, уже бывший в то время иноком. Призвав Бога на помощь, они начали рубить лес, сами носили бревна на то место, где ныне существует святая Лавра. Сперва устроили палатку, потом келлию, а близ неё малую церковь, которая, по благословению митрополита Феогноста, была освящена во имя Святой Живоначальной Троицы.

По освящении церкви, Варфоломей (будучи двадцати четырех лет) призвал к себе некоего игумена Митрофана, саном пресвитера, и просил у него для себя монашеского пострижения. Игумен согласился и 7 октября, в день памяти святых мучеников Сергия и Вакха, совершил пострижение, причем наименовал его Сергием.

Игумен Митрофан недолго оставался с новопостриженным иноком; поучив его правилам безмолвной жизни, он оставил его пребывать в уединении. Но Сергий, как светильник, поставленный на свещнике, не мог укрыться под спудом уединения и безмолвия. Слава о богоугодном житии его распространилась далеко по окрестным селениям, почему и начали приходить к нему желающие безмолвствовать Бога ради. Помня слова Христовы: “…грядущаго ко Мне не изжену вон” (Ин. 6, 37), Сергий стал принимать к себе желающих подражать ему в подвигах благочестия и не возбранял селиться вокруг своей келлии. Таким образом близ храма, устроенного Сергием, составилась малая киновия. Но у них не было игумена, ибо все братия имели особножительство. Хотя иноки и просили преподобного быть у них игуменом, но он не соглашался на их просьбу. В то время в городе Переяславле-Залесском жил наместник Всероссийского Митрополита Преосвященный Афанасий, епископ Волынский, который (по просьбе братий) убедил преподобного Сергия смиренно покориться их избранию. Он призвал Сергия в Переяславль, где и рукоположил его во диакона, а на другой день во пресвитера и затем поставил во игумена. Приняв благодать рукоположения, преподобный Сергий ежедневно совершал Божественную литургию, причем для всякого молитвословия являлся в церковь раньше всех. Равно как и в келейных делах, он по-прежнему продолжал служить братии: рубил дрова, носил воду, делал свечи, варил кутью. Особенно же, если дело касалось просфор для бескровного жертвоприношения Богу, то их он всегда приготовлял сам. Одежду, как и раньше, носил ветхую, негодную, покрытую заплатами.

При таком трудолюбии, глубоком смирении и безмолвном житии он постоянно занимался чтением слова Божия и молитвой, почему Господь и удостоил его благодатных даров прозрения и чудотворения. Так он сподобился утешительного видения, которое пророчески прознаменовало будущую судьбу врученных ему словесных овец. Однажды глубоким вечером, стоя на обычном молитвенном правиле, он возносил молитву о своих духовных чадах и в это время услышал голос, зовущий его: “Сергий!” Старец изумился необычному для ночного времени зову. Сотворив молитву, он открыл окно своей келлии и внезапно увидел чудное явление: воссиял с неба великий свет, так что ночная тьма рассеялась при обилии его. И тот же голос повторил: “Сергий! Ты молишься о чадах своих, Господь принял твою молитву”. При этом увидел преподобный множество прекрасных птиц. Затем голос продолжал: “Так умножится число учеников твоих, и после тебя не оскудеют последующие по стопам твоим”. Преподобный Сергий, будучи утешен этим видением, приложил еще большее попечение и заботу о том, чтобы молитвенное правило, строгий чин богослужения и хозяйственный порядок сохранялись в его обители.

Желая, чтобы благословение Божие, доставляющее инокам утешение в изобилии, служило бы к умножению благословения, преподобный ввел в своей обители странноприимство, питание нищих и подавание просящим. Странники, нищие и больные всегда находили здесь упокоение и довольство.

Когда такой светильник добродетели сиял светом душеспасительного подвижничества, а сама пустыня процветала яко крин, то неудивительно, что слава о нем достигла самых дальних пределов. И державный князь, и митрополиты Московские имели великую веру и питали глубокое уважение к преподобному Сергию.

Святитель Алексий, митрополит Московский, чувствуя приближение кончины, призвал к себе авву Сергия и увещевал его принять епископский сан, дабы он мог со временем быть его преемником на Московской митрополии. Но преподобный с твердостью отказался, не считая себя достойным. “Прости мне, Владыко святый, — отвечал он митрополиту, — ты желаешь возложить на меня бремя выше меры моего достоинства. Ибо кто я? Недостойный и худейший паче всех человек!” Святитель Алексий, видя глубокое смирение Сергия, не настаивал на исполнении своего желания и отпустил его с миром.

Во дни великого князя Московского Димитрия Иоанновича Господь, грех ради человеческих, попустил великую скорбь на предков наших. Князь ордынских татар — Мамай — подвиг всю великую Орду на землю Русскую, и ужасом объята была в то время вся Русь. Князь же Димитрий, имея великую веру к святому старцу Сергию и признавая в нем дар прозорливости, пришел к нему в обитель и спросил, советует ли он ему идти в поход против безбожных татар. Преподобный благословил державного на ратный подвиг, вооружил его молитвою и сказал: “Должно тебе, государь, попещись о врученном тебе от Бога христоименитом стаде. Иди против безбожных татар; с помощью Божией получишь победу и возвратишься с великими похвалами с поля брани”. Дал при этом преподобный ему двух иноков из своей братии: Пересвета и Ослябю. Воинов, готовящихся идти на брань, преподобный благословил мужественно стоять против врагов. Князь, напутствуемый молитвами преподобного, одержал знаменитую Куликовскую победу, ставшую началом освобождения России от ига татарского.

Самой высшей наградой и благодатным утешением для преподобного Сергия было чудное видение, которого он удостоился. Однажды глубокой ночью он пел акафист пред иконой Богоматери и, взирая на Ее образ, молился со слезами: “О Пречистая Мати Христа Бога моего, Ты Заступница и крепкая Помощница роду человеческому, присно молящаяся за нас, недостойных, Сыну Своему и Богу нашему. Моли Его, да призрит на святую обитель сию и на братий, собранных в похвалу и честь святому имени Его во веки!” Сотворив молитвенное правило, он сел немного отдохнуть; но вдруг сказал ученику своему Михею: “Бодрствуй, чадо, мы будем иметь чудное посещение”. Едва проговорил он сии слова, как услышал голос: “Се Пречистая грядет!” Святой Сергий поспешил из келлии своей в сени и внезапно осенил его свет великий, паче солнечного; он узрел Преблагословенную Деву Марию, сопровождаемую апостолами Петром и Иоанном. Преподобный пал ниц, но Благословенная Матерь коснулась его и сказала: “Не бойся, избранниче Мой, Я пришла посетить тебя, ибо услышана молитва твоя. Не скорби о учениках своих, о которых ты молишься, и об обители своей: не только при жизни твоей, но и после твоего отшествия к Богу Я неотступна буду от обители сей, неоскудно подавая все потребное и покрывая ее во всех нуждах”. Это чудное видение было как бы последней наградой в земной жизни Сергия за труды и подвиги, подъятые им во славу Божию.

Будучи славен высокими подвигами благочестия, преподобный был украшен еще и даром прозрения. Нередко предсказывая людям будущее, как настоящее, старец за шесть месяцев провидел свое отшествие к Богу на вечный покой. Поболев какое-то время и причастившись Святых Таин, он преставился от жития сего в 1392 году, 25 сентября, прожив семьдесят восемь лет.

Вся жизнь преподобного Сергия свидетельствует о высоте его подвигов и святости. Особое благоговение перед ним выражено в следующих словах его жизнеописателя: “Принесите мне жизнеописания древле прославленных угодников Божиих и увидим на истине, яко ни в чем не уступает он святым мужам, древле просиявшим. Ибо и сам он был подвижником благочестия, и пустыню наполнил добродетелями многих учеников своих, в посте и безмолвии просиявших. Мы же похваляем его, не как требующего похвал, но просим только: да помолится о нас к Богу сей истинный подражатель Христов”.

Через тридцать лет после преставления преподобного Сергия были обретены нетленными святые мощи его.

Некий человек, имевший великую веру к преподобному и живший около Сергиевой обители, часто приходил молиться на гробе его. Видя совершающиеся чудеса от мощей, время от времени он проникался теплой любовью к авве. Однажды в сонном видении явился ему преподобный Сергий и сказал: “Иди скажи игумену и братии, зачем они оставляют меня столько времени под землею, где тело мое утесняется водою?” Воспрянув от сна, будучи исполненный страха и радости от чудесного видения, он поспешил возвестить о видении преподобному игумену Никону, а игумен объявил об этом всему братству. Вскоре далеко по всей округе распространилась славная весть, после чего стеклись в обитель Сергиеву не только простолюдины, но и святители, и державные князья. Пришел и благочестивый крестник преподобного Сергия, воспринятый им от святой купели, христолюбивый князь Георгий Димитриевич, в вотчине коего находилась и обитель преподобного Сергия. При нем священный собор приступил к открытию чудотворного гроба Сергиева, и внезапно разлилось благоухание великое. При этом предстало зрелище достойное удивления: не только сохранилось целым честное тело, но и одежды его не коснулось тление, хотя с обеих сторон гроба стояла вода, не дерзнувшая, однако, прикасаться к преподобному. Видевшие все это прославили Бога за такое явление чудодейственной силы Божией.

Переложив честное тело преподобного в новую раку, собравшиеся в этот день, 5 июля 1422 года, совершили торжественное празднование, прославляя Бога, дивного во святых Своих. Ему же и от нас да будет честь и слава во веки веков. Аминь.

ТРОПАРЬ, глас 4-й

Иже добродетелей подвижник, / яко истинный воин Христа Бога,/ на страсти вельми подвизался еси в жизни временней, / в пениих, бдениих же и пощениих образ быв твоим учеником, / темже и вселися в тя Пресвятый Дух, / Егоже действием светло украшен еси; / но, яко имея дерзновение ко Святей Троице, / поминай стадо, еже собрал еси, мудрe, / и не забуди, якоже обещался еси, / посещая чад твоих, // Сергие, преподобне отче наш.

МОЛИТВА

О священная главо, преподобне и богоносне отче наш Сергие, молитвою твоею, и верою и любовию, яже к Богу, и чистотою сердца, еще на земли во обитель Пресвятыя Троицы душу твою устроивый, и ангельскаго общения и Пресвятыя Богородицы посещения сподобивыйся, и дар чудодейственныя благодати приемый, по отшествии же твоем от земных наипаче к Богу приближивыйся, и небесныя силы приобщивыйся, но и от нас духом любве своея не отступивый, и честныя твоя мощи, яко сосуд благодати полный и преизливающийся, нам оставивый! Велия имея дерзновение ко Всемилостивому Владыце, моли спасти рабы Его, сущей в тебе благодати Его верующия и к тебе с любовию притекающия. Испроси нам от великодаровитаго Бога нашего всякий дар, всем и коемуждо благопотребен, веры непорочны соблюдение, градов наших утверждение, мира умирение, от глада и пагубы избавление, от нашествия иноплеменных сохранение, скорбящим — утешение, недугующим — исце¬ление, падшим — возставление, заблудшим — на путь истины и спасения возвращение, подвизающимся — укрепление, благоделаю¬щим — в делах благих преспеяние и благословение, младенцем — воспитание, юным — наставление, неведущим — вразумление, сиротам и вдовицам — заступление, отходящим от сего временного жития к вечному — благое уготовление и напутствие, отшедшим — блаженное упокоение, и вся мы споспешествующими твоими молитвами сподоби в день Страшнаго суда шуия части избавитися, десныя же страны общники быти и блаженный оный глас Владыки Христа услышати: приидите, благословеннии Отца Моего, наследуйте уготованное вам Царствие от сложения мира. Аминь.

АКАФИСТ ПРЕПОДОБНОМУ СЕРГИЮ РАДОНЕЖСКОМУ

Кондак 1

Возбранный от Царя сил Господа Иисуса, данный России воеводо и Чудотворче предивный, Преподобне отче Сергие! Прославляюще мы прославльшаго тя славы Господа, благодарственное пение воспеваем ти, ибо молитвами твоими от нашествия иноплеменных и скорбных обстояний нас присно избавляеши, яко имея дерзновение ко Господу, от всяких нас бед свободи, да зовем ти: Радуйся, Сергие, скорый помощниче и преславный Чудотворче.

Икос 1

Ангелов Творец, предуведевый, по самовластному чистаго сердца твоего изволению, всеусердствующее Его воли исполнение, еще во чреве материи трикратным возглашением показа тя миру истиннаго служителя быти Святыя Троицы и научи всех вопити тебе сице:
Радуйся, прежде век, яко имаши верный раб Христов быти, предусмотренный;
радуйся, во оноже время во блаженное и небесное жилище предуставленный.
Радуйся, от чрева матерня на службу Небеснаго Царя, яко воин, хотящий верен Ему быти, призванный;
радуйся, яко благодатию Божиею оправданный.
Радуйся, не точию России, но и всей вселенней прославленный;
радуйся, трикратным твоим во чреве возглашением родителей и всех слышащих удививый.
Радуйся, по рождении своем постное иноческое житие показавый;
радуйся, от сосца материя воздержание чудное явивый.
Радуйся, яко в среду и пяток млека никакоже вкусивый;
радуйся, родителей благих добрый и избранный плод.
Радуйся, радости скорбящим и милости с верою у тебе просящим подателю;
радуйся, печалей злых во всяких приключениих отгонителю.
Радуйся, Сергие, скорый помощниче и преславный Чудотворче.

Кондак 2

Видящи вся Россия и иныя страны данною тебе, Преподобне отче Сергие, благодатию Божиею с верою к святым твоим мощем приходящим и скорое вспоможение, и присное преславное чудес творение, удивляются. И мы вси, веселящеся, яко имеем таковаго милостиваго помощника, Прославльшаго тя прославляюще и тя, благаго раба и вернаго слугу Господня, восхваляюще, вопием Ему: Аллилуиа.

Икос 2

Разум, еще сущу ти во чреве матерни, Святую Троицу прославити Иисус Христос даровавый, и веру крепкую, надежду несумненную, любовь истинную к Нему имети утвердивый, сподоби тя во Имя Святыя Троицы преславный храм и обитель чудную устроите, и во ону множество инок собрати. Сего ради вернии научишася воспевати тебе тако:
Радуйся, честное Пресвятыя Троицы носило и похваление;
радуйся, добре стадо, тобою собранное, во спасение наставляяй.
Радуйся, честный образе агнцем и пастырем;
радуйся, правило веры и образе кротости духовныя.
Радуйся, святыням чистое и непорочное жилище;
радуйся, еще в жизни сподобивыйся видети Пресвятую Богородицу со двема апостолома.
Радуйся, удостоивыйся во время совершения литургии сослужения ангельскаго;
радуйся, во святую литургию в благодати Божией весь аки во огни стоящий.
Радуйся, оным Божественным огнем, в потир вшедым, причастивыйся;
радуйся, достоин бывый ангельскаго собеседования.
Радуйся, преисполненный всякия благостыни;
радуйся, чистоты душевныя и телесныя усердный хранителю.
Радуйся, Сергие, скорый помощниче и преславный Чудотворче.

Кондак 3

Силою, данною ти свыше, будущая яко настоящая созерцая, возвещал еси и великому князю Димитрию о победе многочисленных прегордых агарян, хотящих Россию огнем и мечем опустошити, прорекл еси, и от своего иноческаго лика двух монахов на противных в помощь дал еси, и молитвою твоею святою к Богу выну вопия, на агаряны победу сотворил еси. За еже тя прославляюще, и о таковой же твоей на сопротивных православному воинству помощи просяще, Богу вопием: Аллилуиа.

Икос 3

Имуще помышление родителие твои и людие о трикратном твоем во чреве матернем в церкви глашении и удивльшеся, разумеша нечто преславное и чудное быти: и по сих уведевше твое радостное рождение, радовахуся и радостная тебе приношаху, глаголюще:
Радуйся, отроча добродушевное и благонадежное;
радуйся, детище, всякия благодати Божия исполненное.
Радуйся, пречудное в младенчестве постничество нам являяй;
радуйся, оным многих приводяй во удивление и увеселяяй.
Радуйся, яко с тобою всегда бе благодать Господня;
радуйся, от юности твоея всем сердцем и мыслию Бога возлюбивый.
Радуйся, кротость, смирение и бдение имевый;
радуйся, вся мира сего красная, яко скоро исчезающая, презревый.
Радуйся, вся плотския похоти Бога ради умертвивый;
радуйся, многообразныя козни лукаваго силою Божиею победивый.
Радуйся, многая люди от греховнаго пути ко Господу обративый и спасый;
радуйся, яко тобою сладостей духовных исполняемся.
Радуйся, Сергие, скорый помощниче и преславный Чудотворче.

Кондак 4

Бури жития мира сего, присно внутренними и внешними злострадании волнующагося, Преподобне отче Сергие, избавився, пришел еси во пристанище немятежное небесное, на места злачна и прохладна, идеже потоцы сладости неисповедимые, пища славы Божия нетленная, пения и гласы празднующих. Тамо почиваеши и веселишися, со всеми ангельскими силами поя Богу: Аллилуиа.

Икос 4

Слышаша, Преподобне отче Сергие, ближнии и дальнии ангелоподобное твое житие, и благодати чудес струю выну текущую, яко молитвою твоею прокаженнии очищаются, слепии прозирают, хромии ходят и разнообразных недуг с верою притекающии здравие улучают, сих избавльшеся вопияху к тебе таковая:
Радуйся, мироварнице, на вся недуги врачевание подавающая;
радуйся, безмездно паче естества врачу скоромилостивый.
Радуйся, милости превеликия и скорбным сострадания сокровище;
радуйся, всеусерднаго о людех промышления приятелище.
Радуйся, душу свою за человеки положити готовый;
радуйся, увеселение и отрада к тебе прибегающим.
Радуйся, мертвеца преславно молитвою твоею ожививый;
радуйся, оскудение монастырское в пищи исполнивый.
Радуйся, на сусе месте поток водный тещи у Бога испросивый;
радуйся, яко таяжде вода, молитвою твоею исцеляющи недуги, чудодействует.
Радуйся, чудес пучино, Богом излиянная;
радуйся, желаемых благ пришедшим к тебе подателю.
Радуйся, Сергие, скорый помощниче и преславный Чудотворче.

Кондак 5

Боготечная пресветлая звезда явился еси, Преподобне отче Сергие, небо церковное украшаяй из всех блудящих по морю страстнаго жития сего данною тебе от Солнца Правды Христа Иисуса, истиннаго Бога, благодатию озаряяй, мрак печалей и мглу всяких недуг и скорбей прогоняяй, наставляеши всех к тебе с верою притекающих на путь спасенный, к вечному Небесному Отечеству ведущий, поющих Богу: Аллилуиа.

Икос 5

Видев Преподобный Сергий, яко в мире сем всяческая суета и тлению причастна, потщася вседушно Превечному Богу благоугодити, и воистинну не вотще потрудися: премени бо тленная на нетленная, наипаче же предстояния сподобися у страшнаго Престола Владычня в славе вечней. Темже вопием ему:
Радуйся, яко идеже Христос в телеси, таможде и ты пребываеши;
радуйся, тамо, яко в зерцале, в Бозе вся Ему любезная созерцаеши.
Радуйся, яко созерцая в Нем молящихся ти о помощи, молитвою твоею им полезное ходатайствуеши;
радуйся, скорый помощниче призывающим тя во бранех православным.
Радуйся, молитвою твоею Российстей стране победы на противныя подаваяй;
радуйся, скорбящим скоропредстательный утешителю.
Радуйся, немощей телесных и душевных немздоприемный исцелителю;
радуйся, многая чудеса благодатию Духа Святаго содеваяй.
Радуйся, хромым хождение и слепым прозрение подаваяй;
радуйся, грозд винный, питающий нас и веселящий.
Радуйся, розго Христа лозы истинныя, мног плод в пособие православным творящая;
радуйся, благий рабе и верный, и добрый, делателю винограда Христова.
Радуйся, Сергие, скорый помощниче и преславный Чудотворче.

Кондак 6

Проповедует держава Российская, богомудре Сергие, труды твоя и болезни, бдение же и сухоядение, ради душевнаго твоего спасения подъятыя, егоже ради прослави тя Господь славою Своею Божественною. Темже, яко рай насажденный, в Церкви явился еси, имущи древо жизни Самаго Господа, от Негоже вкусившии вся скоро гибнущая в мире сем презирают и радостно в прекрасный виноград вышний входят, идеже ты, предстоя Ему, вопиеши: Аллилуиа.

Икос 6

Возсия Церкви и стране нашей Российстей просвещение совершенных твоих добродетелей, Преподобне отче Сергие, о нихже благодаряще Отца Небеснаго, давшаго тебе толикую благодать величия Своего, к тебе, яко к теплому о нас молитвеннику, радостная воспеваем тако:
Радуйся, ангельское житие нам являяй;
радуйся, страсти греховныя уставляяй.
Радуйся, образе истиннаго смирения,
радуйся, зерцало совершеннаго терпения.
Радуйся, наставниче великий спасению;
радуйся, приводяй грешных ко исправлению.
Радуйся, известный исполнителю заповедей Христовых;
радуйся, душ немощных исцеление.
Радуйся, милостыню творити научаяй;
радуйся, ризы и брашна немощным подавати повелеваяй.
Радуйся, пустынниче, мирскую честь и богатство возненавидевый;
радуйся, постниче, от юности Богу послуживый.
Радуйся, Сергие, скорый помощниче и преславный Чудотворче.

Кондак 7

Хотя избран дом Духу Святому себе сотворити, потщался еси тесным и прискорбным путем, ведущим в Жизнь Вечную, взем на рамо свое Крест Христов, шествовати, еже благодатию Божиею от юности твоея непорочно в творениих заповедей Господних совершив, достигл еси уготованнаго тебе в небесном всевеселом пребывании воздаяния, и тамо благодарственно поеши Богу: Аллилуиа.

Икос 7

Новую благодать показа всех Творец и Владыка тебе, богомудре Сергие: аще бо и умерл еси на земли плотию, но душею в вышнем селении всегда жив сый, многая и преславная чудеса в мире живущим людем действуеши, и теплым твоим ходатайством пособствуеши, вопиющим к тебе таковая:
Радуйся, девственниче душею и телом;
радуйся, иноком наставнике предивный.
Радуйся, душ наших радование;
радуйся, быстрое нищим услышание.
Радуйся, скорбящим приятное попечение;
радуйся, чистоты усердный хранителю.
Радуйся, ненадежным надеяние;
радуйся, всея России увеселение.
Радуйся, древо чудоточное рая Иисусова;
радуйся, крине райскаго прозябения.
Радуйся, миро Христова благоухания;
радуйся, яко тобою приносится радование.
Радуйся, Сергие, скорый помощниче и преславный Чудотворче.

Кондак 8

Страшное и преславное чудо является притекающим к тебе, Богомудре Сергие: ибо данною тебе с верою просящим Божиею благодатию немедленно от всяких многообразных телесных и душевных скорбей исцеляеши, от бед избавляеши, от напастей охраняеши, и всем всяко благополезное прошение исполнявши, и вопиеши Богу: Аллилуиа.

Икос 8

Весь еси, Преподобне отче Сергие, в вышних, но и нижних не оставляеши: присно со Христом Царем Вечным царствуеши и нас, грешных и недостойных, пред Ним воспоминаеши, моляся о спасении нашем. Темже от усердия нашего вопием к тебе сице:
Радуйся, оставльший имение и возлюбивый нищету Христову;
радуйся, достигший к неистощимому богатству.
Радуйся, Духу Святому подклонивыйся со всяким смирением;
радуйся, воине Христов непобедимый явльшийся.
Радуйся, крилома богомыслия сети вражия сокрушивый;
радуйся, смирением возвышаемый, в вечныя кровы возлетевый.
Радуйся, просвещенный внутрь благодатию;
радуйся, истребивый страстей мглу душевредную.
Радуйся, в подвизех дневных и нощных течение совершивый;
радуйся, в невечернем дни Царствия Божия присно почиваяй.
Радуйся, тамо снедения пищи разумныя сподобльшийся;
радуйся, яко того блаженства от Бога вечно удостоивыйся.
Радуйся, Сергие, скорый помощниче и преславный Чудотворче.

Кондак 9

Всякое естество ангельское удивися великому свыше тебе дарованию, яко на земли невещественное житие показал еси, и во плоти, аки безплотен, явился еси. Сего ради многих чудес творения от Господа прием, чистою и боголюбезною душею твоею Того благостию к Небесным причтен еси силам, в Небесех ныне поеши всесильному Богу: Аллилуиа.

Икос 9

Ветия многовещанныя недоумеют достойно славити тя, достойный всякия славы, славне Преподобне отче Сергие, ибо пачеестественная многая преславная чудодействия, еще жив сущь, показал еси, но и по смерти тая благодатию Божиею творити не престаеши. Мы же, любовию понуждаеми, дерзаем пети тебе сице:
Радуйся, земный ангеле и небесный человече;
радуйся, во плоти живый духовно, на земли небесно.
Радуйся, в человечестве пребываяй ангельски, в мире премирно;
радуйся, душевныма своима очима выну Господа созерцавый.
Радуйся, пред лицем Божиим, яко раб пред Господем, ходивый;
радуйся, пред Оным, яко сын пред Отцем, яко ученик пред Учителем, шествовавый.
Радуйся, яко воин пред Воеводою готов сый вся повеленная Им творити;
радуйся, добрый стада своего иночествующих наставниче и правителю.
Радуйся, шествовавый от силы в силу, дондеже явися тебе Бог богов в Сионе;
радуйся, Единаго Господа возлюбивый, и к Нему очеса своя выну имевый.
Радуйся, во вся дни живота своего Его искавый и в Нем намерение полагавый;
радуйся, ничесого на Небеси и на земли, разве Христа Иисуса, видети желавый.
Радуйся, Сергие, скорый помощниче и преславный Чудотворче.

Кондак 10

Спасти хотя душу твою, в юности возраста своего отреклся еси воли своея и во знамение отсечения ея постригл еси власы главы своея и был еси монах, покоривый себе воли Божией и начальником, от Него поставленным, ихже веления тако слушал еси, яко Самаго Господа, никогда же прекословя, но слову веления исполнением дела отвещавая. Всяческая же приключения благодарно, яко верный раб, от Господа приимал еси, Емуже на Небесех предстоя, ныне вопиеши: Аллилуиа.

Икос 10

Стена еси всем человеком, к заступлению твоему прибегающим, Преподобне Богомудре Сергие. Темже и нам к тебе приходящим и милостиваго твоего во всяких нуждах заступления у Царя Небеснаго просящим, буди стена крепкая и ограждение непреоборимое, от всяких нас бед и напастей застеняя и ограждая, за еже мы вопием тебе таковая:
Радуйся, воине Царя Небеснаго, не обязавыйся куплями житейскими, да Ему угоден будеши;
радуйся, не восхотевый двема господинома, Богу и миру, работати, но Единому Богу точию.
Радуйся, от юности на тело свое, на мир сей и диавола вооруживыйся;
радуйся, постом, поклоны, стоянием на молитве, бдением умертвивый плоть свою.
Радуйся, умертвивый оную прежде, нежели она жива страстем бяше;
радуйся, мертву содеявый гортань противу приимания сластей.
Радуйся, мертв сотворивый язык противу глаголания скверных, клеветных и ложных;
радуйся, мертвы устроивый ушеса противу слышания душевредных.
Радуйся, мертвы содеявый руце противу грабления и всяких зол творения;
радуйся, мертво сотворивый чрево противу объядения и пиянства.
Радуйся, мертва соделавый трудами чресла своя противу нечистоты;
радуйся, мертвы сотворивый нозе противу течения в путь грешников и на совет нечестивых.
Радуйся, Сергие, скорый помощниче и преславный Чудотворче.

Кондак 11

Пение благодарственное благотворителю Христу Иисусу, тя, Преподобне отче, прославляюще, вси православнии взывают, яко даровал ти многих чудес силу творения: слепыя просвещати, прокаженныя очищати, больныя врачевати, бесныя от демонскаго дручения свобождати, толико сильне, якоже и не у приведенным к тебе бывшим бесным, еще на пути демони от них отбегаху и ктому не возвращахуся, боящеся в тебе силы Божия, юже выну в Небесех прославляя, вопиеши Богу: Аллилуиа.

Икос 11

Светозарное светило в православной Российстей державе и во всей вселенней благодатию немерцающаго Солнца, Христа Иисуса, просвещающею возсиявшее, зрим тя, Богомудре отче: с невещественными бо в вышних предстоя Престолу Троицы Пресвятыя, радости превеликия исполнен еси и Божественными лучами Трисолнечнаго Света осияваемь, облистаеши верныя, вопиющия к тебе таковая:
Радуйся, возшедый на гору превысоку добродетелей Божественных;
радуйся, яко от тоя удобь возшел еси на гору небесную.
Радуйся, яко от обители земныя во обитель небесную водворился еси;
радуйся, яко восходя тамо душею, нам мощи твоя святыя оставил еси.
Радуйся, яко мощи твоя исцелевают всякия скорби и болезни;
радуйся, яко мощей твоих демони трепещут.
Радуйся, яко твоя мощи комуждо в приключьшихся печалех бывают увеселение;
радуйся, душею востекий в Сион Горний к Царю Небесному.
Радуйся, яко тамо предстоя, о всех нас к Нему тепле ходатайствуеши;
радуйся, яко благоутробие Его о всех чтущих память твою умилостивляеши.
Радуйся, стране нашей на противных победу молитвою твоею содевающий;
радуйся, яко всем верным всякое прошение во их пользу исполняеши.
Радуйся, Сергие, скорый помощниче и преславный Чудотворче.

Кондак 12

Благодать, данную ти от Бога, сведуще, тебе, приснаго нашего милостиваго отца, прилежно просим: пролей ныне теплую твою молитву о нас, грешных, ко Господу, яко да презрев вся наша согрешения, дарует победы на враги, яко царю Константину на Максентиа, яко Давиду на Голиафа; державу Российскую да укрепит, Церковь Свою Святую от распрей и расколов незыблему да сохранит, обилие всяких плодов земли да дарует и вся православныя христианы да спасет и помилует, чесого от Него твоими молитвами улучити ожидающе, вопием Ему: Аллилуиа.

Икос 12

Поюще дивнаго во святых Своих Царя Небеснаго, прославльшаго тя, вернаго Своего раба, Преподобнаго отца Сергия, милостивое твое, скорое нам во всяких нуждах и печалех поможение прославляем, ибо в тебе в Троице прославляемый Бог наш преславным многим чудодействием дивно прославися, о чесом удивляющеся вопием к тебе сице:
Радуйся, великославный Российский наш заступниче, отче Сергие;
радуйся, совершенный в добродетелех человече.
Радуйся, дивный подражателю совершенства Отца нашего Небеснаго;
радуйся, преблагий и добрый наставниче иноков.
Радуйся, образе пустынножителей и устроителю общаго жития;
радуйся, всех православных скорый помощниче и заступниче.
Радуйся, Царя Небеснаго и Бога известный умилостивителю;
радуйся, многажды заступлением твоим прошения предваряяй.
Радуйся, покрове, Богом зданный, имже покрываются мнози;
радуйся, ленивых подвигнувый твоими христоподражательными нравы.
Радуйся, доброзрачное света евангельскаго всесветлое сияние;
радуйся, Трисолнечнаго Святыя Троицы Света выну просвещающее озарение.
Радуйся, Сергие, скорый помощниче и преславный Чудотворче.

Кондак 13

О Чудотворче преславный и заступниче всем нам во всяких бедах и скорбех скорый и пречудный, Богомудре отче Сергие! Нынешнее наше приими приношение и Богоприятным твоим ходатайством умоли Господа сил, силу свыше православному нашему воинству на сопротивныя подати, и нам всем, Того благодатию очистившимся, от геенны избавитися и грядущая в Небесех благая улучити вопиющим Ему: Аллилуиа.

Этот кондак читается трижды. Затем читается икос 1 и кондак 1.